【李八方online】民政處逼區議員保持社交距離兼共用咪高峯 - 香港蘋果日報

superselebbanget.blogspot.com

病毒當前，理應人人平等。之不過唔知元朗幾位民政處職員喺咪坐定粒六，覺得自己好安全、一定唔會中招。今日元朗區議會召開交通及運輸委員會嘅時候，民政處職員要求區議員分隔1.5米坐，搞到部份區議員要坐埋喺公眾席開會，又要輪流使用咪高峯發言。咁高規格嘅防疫措施當然係好，只不過元朗區議會主席黃偉賢就發現佢哋同一班政府官員喺另外一間會議室開會嘅時候，就冇做同等嘅防疫措施啦，莫非佢哋只許州官放火，不許百姓點燈？

最近確診數字維持喺雙位數，做好啲防疫措施，相信大家都會體諒嘅，但八方就唔明白點解唔同人要用唔同嘅防疫措施？黃偉賢都同八方呻，今日一入去會議室已經見到大部份嘅座位，俾人用牛皮膠紙交叉咁封起晒，又要求佢哋隔開兩個座位坐，「當我哋係小學生定係幼稚園學生？」搞到部份議員要坐埋喺公眾席開會。

由於公眾席冇咪高峰畀區議員發言，秘書處職員就安排佢哋輪流使用咪高峯發言。黃偉賢就質疑，要求一班區議員輪流使用同一個咪高峯，喺冇手套嘅情況底下，咁咪好容易會交叉感染病毒？

本身諗住去隔離房搵民政處職員理論嘅黃偉賢發現，會議室內嘅民政處職員同一班政府官員開會嘅時候，竟然冇做類似嘅防疫措施，於是質問佢哋點解有唔同嘅安排，有要求佢哋提供多幾個咪高峰畀區議員使用。點知元朗高級行政主任彭家芳突然大放厥詞話：「我理得你哋！」

對住態度咁囂張嘅民政處職員，黃偉賢真係冇咁好氣，為咗避免因為用同一個咪容易交叉感染，佢堅持一班區議員分隔開一個位坐，用返獨立咪高峯發言，繼續進行會議。

元朗區議員王百羽同方浩軒都對民政處嘅做法失笑。王百羽喺社交網站質疑，「係咪政府公務員就唔需要防疫？係咪只要係黨秘書就可以凌駕所有嘢？」方浩軒直頭形容今日嘅區議會好似俾人「抄家」咁款，仲話「其實世上無完美嘅抗疫措施，但起碼係合乎常理同有科學根據囉。」

Let's block ads! (Why?)

August 13, 2020 at 06:33PM
https://ift.tt/2PNaBP0

【李八方online】民政處逼區議員保持社交距離兼共用咪高峯 - 香港蘋果日報

https://ift.tt/30Sp9Uh